Nilitaka tu kusaidia mama..."
Hawa ni msichana mdogo mwenye umri wa miaka 13, anayeishi katika kijiji cha Mwanduti , mkoani Tabora. Alizaliwa kwenye familia ya watoto sita, na maisha yalikuwa magumu. Mama yake alikuwa mama lishe na baba mkulima wa msimu.
Kila siku baada ya shule, Hawa alikwenda sokoni kumsaidia mama yake kuuza chakula. Lakini ndani ya moyo wake, kulikuwa na ndoto kubwa zaidi – alitamani kuwa daktari wa watoto.
Siku moja alipokuwa shuleni, waligawiwa jarida kutoka Kwetu lenye kichwa cha habari:
📖 “Elimu ni Mlango wa Ndoto”.
Hawa alilisoma kwa makini. Alivutiwa na simulizi za wasichana walioweza kubadilisha maisha kupitia elimu na bidii. Alianza kubadilika – aliamka mapema kusoma, aliuliza maswali darasani, na hata akaanza kuwaongoza wasichana wenzie kwenye vilabu vya elimu.
Baada ya miezi 6, walimu wake walimpongeza kwa kuwa miongoni mwa wanafunzi bora zaidi. Taasisi ya Kwetu ilimpa zawadi ya vifaa vya shule na mwaliko wa kuhudhuria semina ya "Msichana na Ndoto Yake".
Leo hii, Hawa ni mfano wa kuigwa kwa wasichana wengine katika kijiji chao.
Anasema:
“Mimi ni mdogo, lakini ndoto zangu ni kubwa kuliko changamoto.”
---
🔚 Ujumbe wa Hadithi
> Katika kila msichana mdogo kuna nguvu kubwa ya mabadiliko. Tunachohitaji ni kumpa nafasi, elimu, na hamasa.
Elimika. Chukua Hatua.
Tags:
Hadithi
